Nang umaga ring iyon ay ipinasyal ni Rafa si Athena, sinulit niya ang buong araw na magkasama sila. Tinupad ng binata ang pangarap ni Athena na makapanuod ng sine dahil hindi niya pa nararanasan ang ganuon sa tanang buhay niya. Gusto niyang malaman kung totoo nga ang sinasabi ng mga kalaro niya noon na may higanteng tv daw na makikita sa loob ng sinehan at tama nga sila, bukod doon ay napakalamig pa dito, mabuti na lang at binaunan siya ng jacket ni Rafa. Alam ni Athena na ang pinanunuod nila ngayon ay hindi ang tipong palabas na gusto ng binata ngunit nagpapasalamat siya dahil sinamahan siya nito at sinusunod nito ang lahat ng naisin niya pati narin ang mga pagkain na gusto niyang kainin.
Nang sumapit ang dilim ay eksaktong nasa amusement park na sila. Hinayaan lang ni Rafa na mag-enjoy
