Pabalik-balik nang lakad si Berta sa sala. Iniisip niya kung sino ang maaring makatulong kay Athena nang biglang may magliwanag sa kanyang utak. Pumasok bigla sa isip niya si Rafa. Dali-daling lumabas ang matanda at pumunta sa katapat nilang bahay, hinanap niya ang kaibigang kasambahay roon at nanghiram dito ng cellphone para matawagan niya ang binata at ipaalam dito ang nangyari kay Athena.
Naghahanda na sana sa pagpasok sa opisina si Rafa ng may matanggap na tawag mula sa unknown caller. Alanganing tinanggap niya ang tawag na iyon.
"Hello!" bungad bati ng binata.
"Rafael, anak ikaw ba 'yan?" alanganing tanong ng nasa kabilang linya.
"Aling Berta? O-opo si Rafa 'to." Nabosesan agad niya ang matanda. "May kailangan po ba kayo sa akin?" tanong niya rito.
"Si Athena, bumalik na si Athen
