Napahilamos ako ng aking mukha habang hinihintay si Kazimir. Sabi niya kasi ay susunod siya sa amin pero hanggang ngayon ay nagtataka pa rin ako kung bakit wala pa siya. Halos tatlong oras na magmula nang makarating kami rito sa isang lugar na hindi ako pamilyar ngunit kasing laki rin naman ng mansion ni Kazimir.
Nandito ngayon ang mga kaibigan niya ngunit ang lalaking nagngangalang Zeno wala rin hanggang ngayon. Siguro ay magkasama sila ngayon ni Kazimir. Hindi ko nga lang sigurado dahil hindi naman makausap ng mga ito ang dalawa nilang kaibigan.
Napayuko ako at nilalaro ang aking mga daliri. Pinag-iisipan ko kasi kung ano ba talaga ang mayroon bakit ganito na lang kagulo ang buhay nila. Gusto kong tanungin pero ang problema ay kung sasagutin ba nila.
Mababaw lang kasi ang alam ko sa m
