Pulang-pula ang mukha ko habang naglalakad kami papunta sa restaurant. Habang itong lalaking nasa tabi ko naman ay nangingisi na para bang nagugustuhan ang nangyari kanina sa amin sa kaniyang VIP suite.
Alam kong kiss lang iyon pero iyon pa lang kasi ang second kiss ko at ang malala ay sa kagaya niyang lalaki napunta. Wala pa kaming label at higit sa lahat ay may something pa sa kanila ni Amanda saka ikakasal ako sa iba.
Mali ang ginagawa ko, oo. Ngunit hindi ko alam ang nangyayari sa aking sarili dahil parang may sariling pag-iisip ang katawan ko. May mga bagay na magugulat na lamang ako sa nangyayari at pagkatapos no'n ay matatauhan ako.
"What do you want?" tanong niya sa akin nang kami ay maupo sa aming table.
Itinabon ko naman ang menu na hawak ko sa aking mukha dahil sa kahihiyan.
