Tinapunan ko siya nang masamang tingin lalo na nang makuha ko ang mangga na ipinadala sa akin ni Madel.
Mabuti na lamang talaga at mayroon sila native na manggang hilaw. Ilang araw na akong nagtitiis sa pinya dahil sa kalokohan ng lalaking ito. Ultimo nga kamias ay hindi siya makahanap bilang alternative lang sana sa manggang hilaw!
"Tinitingin-tingin mo?!" pasigaw na tanong ko kay Azi. "Tusukin ko mata mo, eh."
"Godd-mn it! Pati ba tumingin sa iyo bawal din? Eh, hindi na nga kita matabihan sa kama natin—"
"Kama ko lang! Kama mo iyong sahig kasi hindi ka naliligo!" pasigaw na wika ko sa kaniya.
"Gladys Sloane—"
"Gladys Sloane ka nang Gladys Sloane! Akala mo ba hindi ko pa nalilimutan iyong sinabi mong wala kang mahanap?! Magkano lang ang manggang hilaw kapag wala pang masyadong mangg
