HATINGGABI na halos nang iuwi siya ni Alexis sa mansyon. Hinatid siya nito sa master's bedroom at nakahiga na siya sa kama nang maupo ito sa may gilid niya. Hindi niya alam kung ano ang mararamdaman. Dapat ay mailang na siya dahil mukhang plano ni Alexis na bantayan siya pero bakit parang gusto niya ang ideyang mamalagi ito sa kanyang tabi?
"Sobra akong nag-alala sa 'yo kanina. Akala ko ay mag-co-collapse ka,"sabi nito sa malumanay na tinig. Ngayon lang niya narinig si Alexis na kinausap siya sa ganitong tono at hindi niya maipaliwanag pero masarap pala sa pakiramdam na hindi ito parang Leon na laging nakaangil. Parang hinaplos din ang puso niya dahil hanggang sa mga oras na iyon ay nararamdaman niya pa rin ang pag-aalala nito sa kanya, na ngayon lang din nangyari. Totoo man ang ipinapak
