"MUKHANG magiging winner factor mo ang Misis mo, Lex. Sa tingin ko ay may puso rin siya sa mga kababayan natin katulad mo," sabi ni Bernard sa kanya. Ang tumatakbong Vice Mayor niya. Nasa bahay sila nito dahil nag-meeting sila ng buong partido. Kasama niya si Nancy na ngayon ay kausap ang asawa ni Bernard sa maluwang na sala ng bahay. Silang dalawa ay nasa porch kasama ang mga kasamahan nila. Buhat doon ay tanaw niya ang asawa. Hindi niya maintindihan ang sarili pero nitong mga nakaraang araw ay nagiging iba na ang tingin niya kay Nancy. Parang gusto na niyang maniwala na talagang nagbago na nga ito. Gusto niyang isipin na ang lahat ng ipinapakita nito ay totoo. Maraming katangian ngayon ang asawa na aaminin niyang hindi niya nakita noon dito. Hindi niya alam kung parte lamang iyon ng pamb
