DUMIRETSO si Ninia sa bahay ng mga magulang. Tuwang-tuwa ang mga ito nang makita siya. Kinumusta pa ng Daddy niya ang cafe na inakala ng mga itong totoong itinayo nila ng kaibigan niya sa Bacolod. Gayunman ay sinikap niyang ilihis ang usapan nila. Iniwasan niya ang tanong ng mga ito dahil ayaw niyang madagdagan pa ang kasinungalingan niya sa kanyang Mommy at Daddy. Hindi kasi siya sanay na ganoon. Lumaki siyang palaging nagsasabi ng totoo sa mga ito. Ang Mommy niya ang nagsilbi niyang bestfriend noong kabataan niya. Kahit hanggang ngayon naman ay talagang close sila.
Kinumusta niya ang kalagayan ng ina para na rin maiba ang topic nila. Natuwa naman siya dahil malaki na ang progress nito ngayon at hindi kagaya noong bago siya umalis. Nagkalaman na rin ito ng bahagya at nawala na ang pagka
