NAKAHIGA na si Alexis nang gabing iyon ay hindi pa rin siya mapakali. Tinangka niyang tawagan si Nancy sa bahay ng mga magulang nito ngunit nagbago na pala ng landline number doon. Hanggang sa mga sandaling iyon kasi ay hindi pa rin niya ma-contact ang cellphone number ng asawa. Kung anu-ano ng hindi maganda ang naiisip niya. Gustung-gusto na niyang puntahan ito sa bahay ng magulang pero naisip niyang baka pagtawanan naman siya nito dahil kaaalis lang nito kaninang umaga. Baka masabihan pa siya nitong OA dahil nagpaalam naman ito kanina sa kanya at hindi naman ito umalis nalang basta.
"Why do I have to worry like this?" bulong ng kanyang isip. Isang araw lang naman ang paalam nito at nangako na babalik din kaagad pero bakit hindi na yata siya makapaghintay na muli itong umuwi? Hindi rin
