HINDI malaman ni Ninia kung saan siya naliliyo. Kung dahil sa pagkakalapit nang mga katawan nila ni Alexis o dahil sa napakabangong amoy nito. Dapat ay kinakabahan na siya sa kung anu-anong lumalabas sa bibig nito pero bakit para yatang hindi siya makakilos? Tila natulos siya sa kandungan nito lalo na nang hawiin nito ang mamasa-masa pa niyang buhok. Hindi niya alam kung nakita nito ang bahagya niyang pagpitlag nang gawin nito iyon. Bagaman seryoso ito nang mga sandaling iyon, alam niyang may kakaiba sa titig nito. Hindi kagaya noon na pawang galit at iritasyon para sa kanya ang nakikita niya sa mga mata nito sa tuwing magtatama ang paningin nila. Ngayon ay iba. Pero hindi naman niya kayang ipaliwanag. Basta't ang alam lang niya, kakaibang Alexis ang kaharap niya ngayon.
"Bakit pala cann
