WALA nga siyang nagawa kung hindi ang muling sumama kay Alexis pabalik ng San Miguel. Buong panahon ng biyahe nila ay nakahawak ito sa isang kamay niya. Parang bagong kasal ito kung umasta kay Nancy na hindi nito alam ay siya. Malayong-malayo na ito sa Alexis na masungit, seryoso at laging nakasinghal. Hindi niya alam kung anong himala ang nagawa niya sa pagkatao nito pero dapat siguro ay magsaya na lamang siya. Magiging maganda na ang samahan nito at ng kakambal niya oras na bumalik na ang huli sa buhay ng alkalde. Mukhang tagumpay ang kanyang misyon. Pero sa halip na maging masaya ay kahungkagan ang lumulukob sa kanyang sistema. O mas tama yatang sabihin na nalulungkot siya dahil sa nangyayari?
"Kanina ka pa nakangiti diyan. Bakit?" tanong niya habang napapailing na nilinga ito. Magkat
