PAGHINTO ng kotse sa mansyon ay malalaki ang hakbang nito na iniwan siya. Dumiretso ito kaagad sa loob. Nakita niyang kaagad itong nilapitan ng ina na akmang hahalik sa pisngi ng anak pero parang walang nakita si Alexis. Tuluy-tuloy na tinungo lamang nito ang hagdanan at diretsong umakyat sa ikalawang palapag ng bahay. At ayaw man niyang maramdaman, unti-unting nilalamon ng takot ang kanyang buong sistema. Nakasunod ang tingin niya rito kaya kitang-kita niya kung gaano kadilim ang anyo ni Alexis. Plano niyang sumunod sa ginawa nitong pag-akyat pero natigilan siya nang pigilan siya ng ginang sa isang braso. Si Mrs. Villarubin ay palaging nakangiti pero sa pagkakataong iyon ay pailalim ang tingin nito sa kanya. Kinakabahan siya dahil galit din ang nababasa niya sa mukha ng ginang. Kung saba
