KANINA pa gustong sapakin ni Alexis ang sarili. Matagal ng nakaalis si Nancy sa mansyon ay hindi pa rin humuhupa ang galit niya dahil sa nangyari. Matagal bago humupa ang pag-alon alon ng kanyang dibdib bunsod ng hingal na naramdaman dahil sa matinding galit. Noon lang siya nagalit ng ganoon katindi. Hindi kasi siya makapaniwala na ang lahat ng ipinakita sa kanya ng asawa ay pagkukunwari pa rin pala sa kabila ng lahat. Niloloko pa rin pala siya nito at lahat ng ipinakita nitong pagbabago sa kanya ay pawang kasinungalingan lamang lahat. Parte lamang ng pagpapanggap. Na ang saya na naramdaman niya sa piling nito nitong mga huling araw ay lilipas din pala. Bakit ba kasi nagpauto na naman siya rito? Bakit ba kasi hindi na lang niya pinanindigan na tuluyang patigasin ang puso para sa asawa? Ang
