NINIA
MABILIS ang mga hakbang niya na lisanin ang parking ng SM Megamall. Sa loob kasi ng isa sa mga restaurant doon ay kakatagpuin niya ang private investigator na kinuha niya para hanapin ang kakambal. May lead na raw diumano ito kung nasaan ang kapatid niya. Ngunit bago pa siya tuluyang makalayo sa kanyang sasakyan, isang lalaki ang lumapit sa kanya at humarang sa kanyang daraanan. Nanghilakbot siya nang makita kung sino ito. Walang iba kung hindi si Vaughn Dela Torre. Mabilis na nag-rigodon ang t***k ng kanyang puso. Natakot siya bigla at kinilabutan nang makita ang mukha ng kalaguyo ng kakambal.
"At last, natiyempuhan din kita," anito na tuluyan nang nakalapit. Napamaang siya sa klase ng ngisi nito. Wala sa loob na napaatras siya pero nasukol lang siya sa isa sa mga kotseng naroon.
