HINDI makatulog si Alexis nang gabing iyon. Hanggang ngayon ay iniisip niya kung saan pa pwedeng magpunta ang asawa pero wala naman siyang kilala kahit isa sa mga kaibigan nito. Minabuti niyang lumabas ng silid at magkape. Sa tingin kasi niya ay hindi na rin naman siya makakatulog. Alas tres ng madaling araw ang oras nang tingnan niya ang malaking antique wall clock sa sala. Dumiretso siya sa kusina at ipinagtimpla ang sarili. Nakailang higop na siya nang mapansing nag-vi-vibrate ang cellphone niya. Palagi niya iyong dala simula nang mawala si Nancy sa bahay. Umaasa siyang tatawagan siya nito. Nagmamadali niyang kinuha ang cellphone at sinagot iyon. Hindi na siya makapaghintay na makausap ang asawa. "Hello, Nancy?" excited niyang sagot. Hindi niya akalaing masasabik siya ng ganito katind