HINDI malaman ni Alexis pero iba ang kutob niya. Dahil doon marahil kaya nasumpungan niya ang sarili na sinusundan ang taxi na pinara ng asawa. Hindi niya maintindihan kung bakit niya iyon ginagawa. Siguro ay may gusto lang siyang patunayan. Lumakas ang kabog ng dibdib niya nang hindi ang daan patungo sa bahay ng mga magulang ang daang tinatalunton ngayon ng taxi na sinasakyan ni Nancy. Lihim siyang umusal ng panalangin sa sana ay huwag naman na nagsisinungaling na naman ito sa kanya. Na wala sana siyang matuklasan na ikagagalit na naman niya sa asawa. Wala siyang idea kung saan ang punta nito pero gusto niyang malaman. At hindi rin niya alam kung bakit niya iyon ginawa. Habang nagmamaneho ay paulit-ulit siyang nagdarasal na sana ay hindi ito nagsisinungaling ngayon. Na sana ay wala itong
