"MANIWALA ka sa akin, Vaughn. Hindi ako si Nancy..." umiiyak na pakiusap ni Ninia. Naikwento na niyang lahat dito ang tungkol sa mga nangyari sa pamilya nila na naging dahilan kung bakit hindi sila magkasama ni Nancy pero nananatili itong hindi naniniwala. Bagkus ay nginingisihan lamang siya nito. Sarado ang isip nito at walang ibang pinaniniwalaan kung hindi ang pananaw na siya si Nancy. Wala na siyang masabi. Hindi na niya alam kung paano ito paniniwalain.
Mula nang dumating sila sa lugar na iyon na hindi malinaw sa kanya kung saan, hindi na ito umalis sa tabi niya. Para siyang kidnap victim na binabantayang mabuti para siguraduhin na hindi makakatakas. Iyon nga lang ay hindi ransom ang gusto ni Vaughn kung hindi ang kakambal niya na buong akala nito ay siya. Nasa loob sila ng isang bed
