KINABUKASAN ay nagising siyang wala na naman si Alexis sa bahay. Nang magtanong ang mga magulang nito ay sinabi niyang may kinailangan itong ayusin sa kapitolyo kaya maagang umalis. Ayaw niyang malaman ng mga ito na hindi naman talaga niya alam kung saan ito nagpupupunta nitong mga nakaraan. Mas mabuti na ang alam ng mga ito ay pinipilit nilang ayusin ang relasyon nila.
Maghapon na naman siyang inip na inip. Wala siyang magawa kung hindi tumulong sa pagluluto sa kusina pagkatapos ay magkulong sa kwarto at maya-maya ay bumaba muli. Alas kwatro ng hapon nang maisipan niyang muling pumanhik sa kwarto. Siesta ni Mrs. Villarubin kaya wala siyang kasama sa malaking sala. Ang nurse nito ay abala sa pakikipag-usap sa cellphone sa pamilya nito kaya mas minabuti niya ang umakyat sa silid. Doon in
