SA IKATLONG araw nila sa San Fabian ay sumunod roon ang mag-asawang Villarubin. Gusto diumanong tiyakin ng mga ito na maayos silang dalawa at hindi nagbabangayan kagaya nang madalas nilang gawin sa bahay ng mga ito.
"Huwag mo sanang sayangin ang chance na ibinigay sa 'yo ni Alexis, Nancy," seryoso pero puno ng pakiusap ang tinig ni Governor Villarubin nang umagang iyon habang kaharap niya ang mag-asawa. Tumango si Ninia.
"Nagbago na ako, Papa. I've come to realize my mistakes. Sana lang ay makalimutan na rin ni Alexis ang mga kasalanan ko." Wala siyang idea na natural na natural ang kanyang dating. Kahit sino ay walang magdududa na hindi siya si Nancy.
"Madali mong magagawa iyon kung susuportahan mo siya all the way sa darating na eleksyon, Nancy. Ipakita mo kay Alexis na talagang na
