MAGANDA ang kabuuan ng resort ng mga Villarubin. Nasa baybayin iyon ng San Fabian Pangasinan na ang pangalan ay Villa Katarina. Nakaharap sa dagat pero ang magkakatabing villa ay napapalibutan ng infinity pool. Ayon sa reviews na ibinigay ni Nancy sa kanya, nakarating na ito roon kaya naman pagtapak ng mga paa niya sa resort ay pinigilan niya ang mapahanga. Baka makahalata pa si Alexis na ngayon pa lamang siya nakatapak sa lugar. Sadyang matalas pa naman ang mata nito pagdating sa kanya.
"Come on, kumain muna tayo sa grill." Pagkatapos nitong ibaba ang mga gamit nila sa loob ng maluwang na kwarto nila sa villa ay nagpatiuna na naman ito sa labas. Parang walang kasama. So, ganito talaga ang asal nito kapag sila lamang dalawa. Kapag walang maraming taong nakakakita. Dito ay wala itong inaa
