HABANG nagpapahinga siya sa guest room nang gabing iyon, muling nanariwa sa isip ni Alexis ang mga eksenang dinatnan niya sa motel noong araw na mahuli niya ang asawang si Nancy, kasama ang kalaguyo nitong si Vaughn Dela Torre. Isang gym owner na karibal na niya noon sa lahat ng bagay simula nang siya ay nasa senior high pa lamang. Nobyo ito ni Nancy bago sila magkakilala kaya siguro hindi ito nagawang kalimutan kaagad ng kanyang asawa. Step son naman ito nang kalaban niya ngayon sa pulitika na si Mayor Arnulfo. Matagal mag-nobyo ang mga ito noon pero ibinasura ni Nancy ang relasyon kay Vaughn nang magkakilala sila dahil sa common friend ng isa't isa. Pero hindi niya matanggap na kung kailan mag-asawa na sila ay saka niya malalaman na matagal na palang palihim na nagkikita ang mga ito at i
