NAGISING si Ninia na mabigat na mabigat ang kanyang pakiramdam. Mula sa kinahihigaang sofa sa bahay na inookupa ay idinilat niya ang mga mata habang sapo ang ulo. Kanina pa parang binibiyak iyon. Uminom na siya ng Paracetamol pero hindi naman nawala kaya pinauwi na siya ni Mica para makapahinga siya sandali. Mula kasi kaninang pumasok sila ay masama na ang kanyang pakiramdam, pero pinilit pa rin niyang sumama kay Mica dahil kawawa naman ang kanyang kaibigan. Day off ng isa nilang staff at nagkataon pang ordinaryong araw kaya nag-aalangan sana talaga siyang iwan si Mica. Mabili na rin kasi ang cafe nila lalo na kapag weekdays. Nagpasalamat din silang magkaibigan dahil sila ang nakakuha ng pwestong kinatatayuan ng shop nila ngayon. Sabi nga ng mga magulang ni Mica, buwenas daw talaga silang
