"MAYOR, ano ho ang masasabi ninyo sa umuugong na balitang kaya kayo napaaway sa isang resort ay dahil nahuli ninyo ang girlfriend ninyo na may kahalikang ibang lalake?" tanong rito ng isang reporter. Ang totoo ay nabasa na niya ang artikulong iyon sa isang pahayagan. At sigurado siyang mga kalaban ni Alexis sa pulitika ang may pakana ng lahat at bumaligtad sa inilabas na balita para sirain sa mata ng tao ang pangalan ni Alexis. Wala siyang kurap habang hinihintay ang magiging sagot nito. Kagaya ng inaasahan na niya ay ngumiti ng maluwang si Alexis na parang nakakaloko. Kahit kailan talaga ay magaling itong umakto sa harap ng mga tao na parang hindi ito apektado sa isyung ipinupukol dito. At sa tingin niya ay tama lamang ang ginagawa nito. Isa pa ay kilala niya si Alexis na wala talagang pa
