DAIG pa niya ang sinaksak sa dibdib nang mga sandaling iyon dahil sa tahasang pag-iwas sa kanya ng alkalde. Nilalamon ng pagtataka at samu't saring tanong ang kanyang utak kung anong klaseng kasalanan kaya ang nagawa niya at nagkaganito bigla sa kanya si Alexis. Nag-iisip siyang pilit kung bakit biglang tumabang sa kanya ang alkalde pero wala talaga siyang maisip na dahilan. No. Hindi lang basta ito tinabangan sa kanya kung hindi galit ang nakikita niya sa mga mata nito. Sweet pa ito sa kanya noon sa Paradise Island at kulang na nga lang ay patayin nito si Anthony nang makitang gusto siyang gawan ng masama ng binata. Pero anong nangyari at biglang nag-iba ang ihip ng hangin? Bakit may pakiramdam siya na galit ito sa kanya sa hindi niya mawaring dahilan. Pilitin man niyang isipin kung ano a
