DAIG pa niya ang pinagsukluban ng langit at lupa habang patuloy sa tahimik na pag-iyak sa loob ng kotse ni Mica. Ang sakit sakit ng nangyari sa kanya. Masamang-masama ang kanyang loob na pinagpupukpok niya ng dalawang palad ang manibela ng kotse ng kaibigan. Aksidenteng napalo niya ang busina at lumikha ng mahabang tunog sa parking lot ang kanyang ginawa. Ilang indibidwal ang nagulat at ang iba pa nga ay tiningnan pa siya ng masama mula sa labas ng kotse pero wala siyang pakialam. Doon man lang ay maibuhos niya ang kanyang sama ng loob.
Pinakalma muna niya ang sarili bago lisanin ang lugar na iyon, at ipinangako sa sarili na kailanman ay hinding-hindi na siya babalik sa munisipyong iyon. Magang-maga ang kanyang mga mata patunay ang maliit na bisyon niya sa mga bagay sa palid. Mula sa rear
