MABILIS na lumipas ang araw sa buhay ni Ninia. Dalawang buwan na ang mabilis na nakaraan. Kahit paano ay okay na siya. Hindi na kagaya noong mga unang araw buhat nang ipagtabuyan siya ni Alexis na wala siyang ginawa kung hindi ang ngumawa. Ilang linggo rin siyang miserable at kung siya ang papipiliin ay ayaw na niyang balikan ang mga panahong iyon. Iyon ang pinakamasakit na nangyari sa kanyang buhay at pinakadumurog sa kanyang puso. Pero nagpapasalamat pa rin siya at natuto siyang muling bumangon. Naisip kasi niyang wala namang mangyayari kung iiyak lang siya ng iiyak. Nag-focus siya sa mga bagay na nakakapagpasaya sa kanya kagaya ng pagma-manage sa cafe. Doon niya ibinuhos ang buong panahon at natutuwa siya dahil nakikita na niya ang bunga ng paghihirap nila ng kaibigan.
Bumalik na sila
