CORON PALAWAN
HINDI akalain ni Ninia na makararating siya sa isa sa pangarap na lugar ng libre dahil sa aattend-an nilang seminar ni Mica. Excited sila hindi lamang sa matututunan kung paano sila mas magiging magaling sa larangan ng negosyo, pero nasasabik din silang libutin ang buong Coron. Matagal na rin kasi nilang planong mag-travel pero hindi nila ginagawa dahil mas binibigyan nila ng budget ang business. Iyon muna ang priority nila sa ngayon. Napag-usapan nila ni Mica na saka na muna aasikasuhin ang paglilibot kapag okay na ang business nila. At kapag may savings na sila ulit. Sa ngayon ay mas importante sa kanilang palaguin ang negosyong matagal-tagal na rin nilang pinaghihirapan. Sabi nga ng Lola ni Mica kapag pinapaalalahanan sila, pwede naman nilang gawin ang pag-ta-travel kapag
