MASAYANG kausap si Travis. Down to earth ito at mas napatunayan ni Ninia na talagang wala itong kayabangan sa katawan. Hindi siya makapaniwala na makukuha niyang humalakhak kahit pa kakikilala lamang nilang dalawa noong araw na 'yon. May pagka-joker kasi ito pero hindi OA ang mga jokes. Ni hindi nga nila namalayan halos na inabot na sila ng alas singko ng hapon na magkausap. Kung hindi lang lumapit si Mica para ipakilala sa kanya ang lalaking nakilala nito ay hindi niya malalaman na malapit na palang dumilim. Nag-aagaw na nga ang dilim at liwanag. Nakilala nito ang bestfriend niya at base Sa mukha ng kaibigan ay mukhang gusto nito ang binata. Ilang beses siyang tinukso nito sa harap mismo ni Travis. Hiyang-hiya siya at pakiramdam niya ay mapulang-mapula ang kanyang mga pisngi.
"Bagay kay
