"BILIB din talaga ako sa 'yo, 'no? May ibang lalaki ka na namang nabingwit dito." Kulang na lang ay mapalundag sa gulat si Ninia dahil sa boses na iyon at sa mga salitang binitiwan nito. Kasalukuyan siyang naglalakad papunta sa park para puntahan sina Travis at Mica. Nauna ang mga ito roon dahil binalikan niya ang cellphone sa hotel room nila ni Mica. Balak niyang i-videocall ang mga magulang nang mapansin niyang wala sa kanyang wrist bag ang kanyang telepono. Hindi kaagad siya humarap bagkus ay tinimbang ang nararamdaman. Hindi man niya ito nakikita ay sigurado siya kung sino ito. Kaagad napuno ng galit ang kanyang puso. Ramdam niya kasi ang sarkasmo sa tinig nito kaya sumasama ang loob niya. Wala itong karapatang pagsalitaan siya ng ganoon lalo't matagal na panahon na silang walang pakia
