MATAPOS nilang kumain ay nagpaalam siya kay Travis para magpunta sa restroom. Nag-insist ito na samahan siya pero sinabi niyang kaya na niyang mag-isa kaya hintayin na lamang siya nito sa may table nila.
"Sigurado ka ba?" maginoong tanong pa nito nang alalayan siyang makatayo sa upuan niya. Ngumiti siya. Naisip niyang nang magsabog yata ang Diyos ng pagka-maginoo ay sinalo yatang lahat ni Travis ang biyayang iyon. Minsan ay palaisipan sa kanya kung nagagalit ba ito dahil palagi itong mahinahon.
"Oo. Ano ka ba ayan lang naman 'yung comfort room. Hindi naman ako tatawid sa highway," biro pa niya sa binata. Natawa ito at binitiwan na ang kamay niya. Mag-isa niyang tinalunton ang daan papunta sa banyo. Dahan-dahan ang kanyang paglakad dahil mataas ang heels ng kanyang sapatos. Sanay naman s
