EKSAKTONG nasa kotse na sila ni Mica pauwi nang maisipan niyang buklatin ang cellphone niya sa bag. Ten missed calls ang nakaregister doon na nang tingnan niya ay nakita niyang mula sa Daddy niya. Nangunot ang noo niya. Hindi niya maintindihan pero bigla siyang kinabahan. Kailanman ay hindi nag-missed calls sa kanya ng ganito karami ang ama. Pinakamarami na ang dalawang beses dahil kapag hindi niya iyon nasagot ay siguradong mag-te-text ito. Nagririgodon ang kanyang puso sa tindi ng kaba na kaagad lumukob sa kanyang sistema. Alam niyang may hindi magandang nangyari. Sandaling iglap ay sari-saring dahilan ang kanyang naisip. Palakas din ng palakas ang kabog ng kanyang dibdib habang tumatakbo ang sasakyan nila. Iba talaga ang kutob niya nang mga sandaling iyon at hindi na siya mapakali.
"Hu
