KUMAKALABOG ang dibdib ni Ninia habang tinatahak ng kotse ni Mica na minamaneho niya, ang daan papunta sa munisipyo ng San Miguel. Sasadyain niya si Alexis para ipaalam dito na pumapayag na siya sa gusto nitong mangyari. Kung kinakailangang magbalik siya sa buhay nito para alagaan ang ama ng alkalde ay gagawin niya para lamang sa perang ibabayad nito na pwedeng makasagip sa buhay ng kanyang Mommy. Bilang anak ay handa niyang gawin ang lahat para sa babaeng nagluwal sa kanya sa mundo. Maging ang pride niya at dignidad ay kaya niyang isantabi alang-alang sa ina. At sa ngayon ay alam niyang wala siyang ibang pwedeng lapitan kung hindi si Alexis lang. Tutal ay nag-alok naman na ito ng trabaho, wala naman sigurong masama kung tanggapin niya iyon. Sa bibig naman mismo nito nanggaling na willing
