"NO. Hindi ko kayang makita na unti-unting namamatay ang Mommy ko pero hindi ko kayang gawin ang gusto mo. Pwede akong maging nurse ng Papa mo pero ang---"
"Kagaya nga ng sabi ko, ikaw ang magdedesiyson kung papayag ka o hindi. Walang pipilit sa 'yo dito, Ninia," sabi nito na muli ng umupo sa swivel chair. Noon naman tumunog ang kanyang cellphone. Dali-dali niya iyong kinuha sa bag at mula sa caller ID noon ay nakita niyang si Mica ang tumatawag. Hindi magkandatutong sinagot niya iyon. Siguradong may update ito tungkol sa Mama niya. Hindi pa man ay kinakabahan na siya.
"Hello, Mica? W-what?" Kung kanina ay parang gusto lang niyang maiyak sa hindi disenteng proposal ni Alexis, ngayon ay tuluyan ng nalaglag ang kanyang mga luha sa ibinalita ni Mica. Ayon dito ay nag-seizure ang kanyang M
