NAISAGAWA ng maayos ang operasyon sa Mommy niya. Labis ang galak nilang lahat ng sabihin ng doktor na matagumpay ang operasyon at ang hihintayin na lamang nila ay ang paggising nito. Tuwang-tuwa si Ninia dahil naging sulit naman pala ang kanyang sakripisyo. Anuman ang hingiin sa kanya ni Alexis ngayon ay wala na siyang pakialam. Handa siyang gawin ang lahat para sa kapakanan ng mga magulang na siyang mayroon na lamang siya ngayon. Isa man sa mga ito ay hindi niya kayang mawala. Kahit paano ay mapapanatag na ngayon ang kanyang isip. Ang mahalaga ay maayos na ang kayang ina at malayo na sa peligro. Buhay ito at makakasama pa nila ng matagal, iyon ang mahalaga para sa kanya. Pero ngayon ay tuluyan ng nag-sink in sa kanya ang lahat. Pagmamay-ari na ni Alexis ang katawan niya at wala na siyang
