BIGLA siyang kinabahan. Lalo na at madilim ang mukha nito habang palapit sa kanila. Paano na lang kung ibunyag nito sa mga magulang ang naging kasunduan nila? Natatakot siya pero huwag naman sana. Ilang sandali pa at tuluyan na itong nakalapit. Wala sa loob na napatingin siya sa mga magulang. Tahimik ang mga ito pero hindi naman kababakasan ng galit. Marahil dahil alam ng kanyang Daddy na si Alexis ang tumulong para maoperahan ang Mommy niya. Malaki ang utang na loob ng pamilya niya dito. Hindi lang basta malaki dahil kung tutuusin ay nakabaon siya ng utang na loob kay Alexis. Ayaw man niyang isipin ay baka nawala na sa kanya ang kanyang Mommy kung hindi siya nito tinulungan.
"Magandang umaga ho, Mom, Dad," magalang nitong sabi saka nag-mano sa mga ito. Niyukod nito ang kanyang ina na na
