TUMAYO si Alexis at tinapatan siya. Mesa ang nasa pagitan nilang dalawa. Seryoso ito at muli ay balewala na naman dito ang sinabi niya.
"My word is final. Unless, gusto mong gawin natin ang bagay na 'yon ng tanghaling tapat," sabi nito na naglalaro pa sa mukha ang nakakalokong ngisi. Nairita siya bigla dahilan para maningkit ang kanyang mata. Ang kapal ng mukha nito para i-blackmail siya ng paulit-ulit.
"Alam mo kung ano? Ngayon ko mas napatunayan na wala ka talagang puso, Alexis Villarubin. Narealize ko na mabuti na lang pala at nakawala ako mula sa 'yo. Kasi kung hindi pala, siguradong puro kunsumisyon lang ang mapapala ko sa 'yo," walang pakundangang sabi niya dahil sa inis na nararamdaman. Sobra na kasi ito. Hindi na tuloy siya nakapagpigil. Kitang-kita niya nang matigilan si Alexi
