ALAS ONSE kinabukasan nang ipasundo siya ni Alexis sa kanilang bahay sa Quezon City. Ayaw man niyang iwan ang ina dahil kagagaling lang nito sa operasyon, wala naman siyang pagpipilian dahil may kausnduan sila ng hinayupak na si Alexis. Kahit paano ay panatag pa rin naman siya dahil naroon pa naman si nurse Jen sa kanila kaya may titingin naman kahit paano sa kanyang Mommy.
"Mag-ingat ka doon. Kapag may hindi magandang ginagawa sa 'yo si Alexis ay ipaalam mo kaagad sa amin ng Mommy mo," bilin ng kanyang Daddy na aywan niya kung narinig ng driver na sumundo sa kanya.
"Oho. Huwag ho kayong mag-alala at hindi ho ako magpapaagrabyado sa Alexis na 'yon. Kaya ko ho ang sarili ko," tugon niya sa ama habang pinanonood ang driver na ikinakarga ang maliit niyang maleta. Kahit na sinabi niya kay A
