"GOOD afternoon, Papa," bati nito sa ama nang ganap ng makalapit sa kanila.
"Hello po, Tito. Natutuwa po ako at may nag-aalaga na sa inyo uli," ani Lyka na sandali siyang nilingon. "Wait, parang pamilyar siya sa akin, Lex," sabi nito matapos siyang tingnan.
"Sa munisipyo mo siya nakita, Lyks. Kakambal siya ng wife ko. Kailangan daw ng trabaho kaya siya na lang ang kinuha kong mag-aalaga sa Papa." Matamang nakatitig ito sa kanya at hindi kumukurap habang sinasabi ang bagay na iyon. Kung tutuusin ay wala namang masama sa sinabi nito. Nangangailangan naman talaga siya nang pumunta siya roon pero pera at at hindi trabaho ang pakay niya kay Lex. Naging praktikal lang siguro ito. Naisip siguro nitong masyado siyang swerte kung basta na lang pahihiramin ng pera na wala naman siyang ginagawa.
