WEDNESDAY
HINDI akalain ni Ninia na magiging ganito siya kakabado. Habang papadapit-hapon ay lumakakas ang kalabog ng dibdib niya at hindi na siya mapakali. Kaninang umaga naman ay okay pa siya. Pero sa paglipas ng oras ay unti-unti siyang nilalamon ng takot at kaba. Hindi naman sa nag-iinarte siya dahil hindi naman ito ang unang beses nila ni Alexis. Pero ito ang magiging unang beses na aangkinin siya nito na labag sa loob niya. At kapag naiisip niya iyon ay hindi niya mapigil na pagpawisan ng malamig. Lingid sa kanya ay napapansin pala siya ng mag-asawang Villarubin. Wala pa man kasi sa mansyon si Alexis ay nanlalamig na ang kanyang buong katawan para sa nakatakdang maganap mamaya. Kung pwede lang na lamunin na lang siya ng lupa at ibalik na lang siya bukas ay pwede na. Kaysa naman mama
