HINDI malaman ni Ninia ang mararamdaman. Iba ang kutob niya. Siguradong alam na ni Alexis ang pagpapanggap na ginawa niya. Natutukso siyang tanungin kay Nancy ang tungkol doon pero alam niyang hindi ito ang tamang pagkakataon. Nasa bingit sila ng alanganin at alam niyang marami pa namang pagkakataon para pag-usapan ang tungkol doon. Ang mahalaga ngayon ay makaalis sila dito ng ligtas. Mapanganib na tao si Vaughn sigurado siya roon. Lalo na ngayong nasa ilalim ito ng impluwensya ng alak at droga, siguradong wala itong sasantuhin.
"Lumabas ka na, Ninia. Hahanapin ko lang si Lex. Babalik ako sa loob," anito na pumihit ulit pabalik. Nag-alala siya na baka kapag pumasok pa silang muli ay hindi na sila makalabas dalawa. Baka mabuko nito si Nancy at pati ito ay bihagin na rin ni Vaughn.
"Nanc
