"OKAY ka na, Miss?" tanong kay Ninia ng isang police na nag-interview sa kanya. Nasa presinto siya nang mga oras na iyon. Pero ang isip niya ay lumilipad sa ospital kung saan dinala ang kakambal na si Nancy, matapos nitong saluhin ang bala na dapat sana ay para kay Alexis. Hindi nga niya alam kung nasagot niya ng maayos ang tanong ng mga ito. Nahimasmasan man siya dahil alam niyang ligtas na siya, hindi naman niya magawang magsaya dahil sa traumang inabot sa mga nangyari. Idagdag pa ang pag-aalala sa kalagayan ni Nancy na nasa ospital ngayon kasama si Alexis. Hindi malinaw sa kanya kung ilan ang naging tama nito ng bala. Hindi kasi niya ito nagawang tingnan nang mga oras na iyon. Pagkatapos ng lahat ay hindi niya kayang makita na sa ganoong sitwasyon sila hahantong ni Nancy.
"Okay na po
