ALEXIS
NASA private room na nito si Nancy. Nakalabas na ito sa operating room kanina pang alas-diyes at kanina pa siya nakatitig dito. Sa dami ng kasalanan nito sa kanya ay hindi niya akalaing kaya nitong ibuwis ang sariling buhay para sa kaligtasan niya. Siguradong siya ang nakaratay dito ngayon kung hindi nito ginawang saluhin ang bala para sa kanya.
Nang mahuli siya nitong nakasunod dito sa bahay ni Vaughn kung saan nito bihag si Ninia, nag-usap sila ni Nancy na ito na lamang ang papasok para lansiin si Vaugh at pagkatapos ay sabay itong lalabas kasama ang kapatid. Siya naman ay tatawag ng pulis na ginawa naman niya talaga. 'Yun nga lang ay masyadong natagalang lumabas si Nancy at Ninia kaya hindi niya kinaya ang maghintay na lamang sa labas. Pumasok din siya pero nagkasalisi naman p
