ISANG linggo ang matuling lumipas pero walang pagbabago sa kalagayan ni Nancy. Comatose pa rin ito pero ang magandang balita ay okay naman ang lahat ng vital signs ng kakambal. Anang ng doktor ay walang makapagsasabi kung kailan ito magigising. Pero hindi sila nawawalan ng pag-asa. Palagi silang nagdadasal at umaasang isang araw ay makikita na lang nila itong gising na buhat sa matagal na pagkakatulog.
"Akala ko ba sabi ni Alexis siya na ang bahalang magpapunta ng magbabantay kay Nancy? Bakit inaabala mo pa rin ang sarili mo, Ninia? Ano, martir pa rin ang peg mo hanggang ngayon?" ani Mica nang umagang iyon habang nasa cafe sila. Naghahanda kasi siyang muli para sa pagpunta sa ospital. Gusto niyang makita kung ano na ang lagay ng kakambal.
"Mica, kapatid ko pa rin si Nancy. Karugtong ako
