KUMAKALABOG ang dibdib niya nang mga sandaling iyon. Paano ba niya sasabihin kay Alexis na isa sa mga dahilan niya ang gusto niya itong laging kasama? Na nitong huli ay tinanggap niya sa sarili na kahit masaktan pa siya ay ayos lang basta huwag lang siyang malayo rito. Na kasalanan man ay mahal na niya ito. Hindi siya nakasagot. Nakatitig siya rito pero hindi na niya kayang tagalan ang tingin nito na parang nanghihigop.
"S-sinabi ko na sa 'yo ang dahilan ko. Iyon lang 'yon at wala ng iba pa."
"Hindi ako naniniwala na iyon lang ang dahilan mo. I'm sure na nalaman mong hindi tumupad si Nancy sa pangako niya na lalapit sa mga magulang mo. Pwedeng-pwede kang mag-back out anytime. Umuwi sa inyo at umastang parang walang nangyari pero hindi mo ginawa."
"Sandali nga, bakit ba nagpuputok pa
