NINIA
ANG bilis ng panahon. Apat na buwan na pala nilang hindi kasama ang kakambal niyang si Nancy. Mahirap para sa pamilya nila lalo na sa kanyang ina pero unti-unti ay natatanggap na nila ang pagkawala nito. Siguro ay dahil lumaki naman talaga ito na halos ay hindi sila magkakasama. Sa Lola kasi nila ito halos naglagi noong maliit pa. Siya naman ay sa Mommy at Daddy niya. Pagkatapos, hanggang sa paglaki nila ay naging lagalag pa ito, to the point na mas gusto pa nitong kasama ang mga barkada kaysa sa kanilang pamilya nito. College pa lamang si Nancy ay laman na ito ng mga bars. Inuumaga roon ang kakambal kaya madalas ay hindi ito nakakapasok sa University. At kapag napagalitan naman ito ng Daddy nila ay tatakbo na ito sa Lola nila at doon magpapalipas ng sama ng loob. Noong una ay ganoo
