ALEXIS
"I'm glad na nakarating ka, pare," ani Andrew---ang Mayor ng Lingayen Pangasinan na naging kaibigan na niya sa maikling panahon niya sa serbisyo. Mabait ito at hindi sila nagkakalayo ng ugali kaya madali niyang nakasundo ang alkalde. Nagkakilala sila nito sa isang retreat na dinaluhan nila noon sa Baguio. Nagkakwentuhan at nasabi niya ritong may resort sila sa San Fabian Pangasinan. Natuwa ito at sinabing papasyalan iyon kapag may pagkakataon. Minsang may seminar nga ang mga empleyado nito ay sa villa Katarina iyon ginanap. Tuwang-tuwa ito at sinabing nakakainggit siya dahil mayroon siyang resort na ganoon kaganda. Sa katuwaan pa nga nito ay tinanong pa kung magkano ang kailangang budget para makapag-operate ng ganoong resort.
Mabait si Andrew. Bokal sa loob nito ang paglilingkod
