HINDI inaasahan ni Ninia ang pagdating sa shop ni Anthony. Walang sinabi si Mica pero sigurado siyang ito ang nagpapunta sa binata. Ang alam niya ay may resort ang pamilya nito rito sa Lingayen. Pinsan din diumano nito ang Mayor sa nasabing bayan kaya madalas din ang binata rito sa lugar.
"Flowers for a beautiful lady like you, Ninia," anito matapos siyang halikan sa pisngi sabay abot sa kanya ng bouquet ng pink roses. May dala rin itong two boxes of pizza at in can drinks. Kung sabagay ay palagi namang ganoon ito kapag dadalaw sa kanya. Kahit ano lang ay hindi ito nawawalan ng bitbit para sa kanila ni Mica. Minsan nga ay nahihiya na siya rito. Kung gastusan siya nito ay ganoon lang pero ito naman ang may gusto noon. Sinabi na niya dati kay Anthony na huwag na siyang bigyan ng mga matery
