SUNDAY
NINIA
KAHIT ang totoo ay napipilitan lamang siyang sumama sa resort nina Anthony, itinuring na lamang niyang blessing in disguise iyon dahil kasama naman niya ngayon ang mga magulang. Maluwang ang ngiti ng mga ito nang salubungin siya matapos bumaba sa kotse ng binata. Sinundo nga nito ang Mommy at Daddy niya sa kagustuhan lamang nito na pagbigyan niyang lumabas sila. Ito ang isang bagay na gusto niya sa binata. Kapag ginusto nito ang isang bagay ay gumagawa talaga ito ng paraan para makuha iyon. Hindi ito basta sumusuko. Gagawa at gagawa ito ng paraan kahit pa nga madalas ay parang imposible. Napangiti siya nang makita ang ngiti sa mga labi ng kanyang ama't ina. Sabik niyang niyakap ang mga ito nang ganap ng makalapit sa kanya.
"Anak, kumusta ka rito?" excited na tanong ng Momm
