ALEXIS "THANKS at pinagbigyan mo ako, pare," tuwang-tuwa si Andrew nang dumating siya sa Paradise resort nang hapong iyon. Sagad ang ngiti nito dahil hindi naman talaga niya ito binigyan ng siguradong sagot na makararating siya. Ngayong narito na siya ay bakas ang tuwa sa mukha ng kaibigan niyang alkalde. Hindi lang dahil pinagbigyan niya ito sa imbitasyon nito na bumisita siya sa resort. Kung hindi dahil pinakinggan niya nitong mag-unwind naman at hindi lang basta puro trabaho. Matagal na kasi siyang pinapayuhan ni Andrew na maglibang naman paminsan minsan. Iyon nga lang ay ayaw niya dahil mas nalulungkot lang siya kapag mag-isa. Kapag may time na napagsosolo siya, mas naaalala niya ang lahat ng pangit na nangyari sa buhay niya at iyon ang ayaw niya. Kaya madalas ay pinipilit na lang ni