PABALIK na sila ni Alexis sa mga kwartong nakatalaga sa kanila nang bigla niyang maalala si Anthony. Naalala niyang nakita nga pala nito ang lahat kanina at sigurado siyang nasaktan niya ng husto ang puso ng itinuring niyang kaibigan. Hindi man niya ito gusto, ayaw naman niyang saktan ang damdamin nito sa ganoong paraan. Mas gusto niyang malaman nitong kaibigan lang talaga ang turing niya rito na nagkakalinawan sila, at hindi kagaya ng nangyari na sa tingin niya ay mas masakit para kay Anthony. Hinanap nila ito ni Alexis dahil hindi siya matatahimik hanggang hindi niya ito nakakausap. Hihingin niya ang kapatawaran ni Anthony kahit pa ang kasalanan lang naman niya rito ay ang hindi niya ito kayang mahalin. Sasadyain talaga niya ito sa kwartong inookupa pero hindi na sila umabot doon. Nakita
